Siunnersuisoqatigiit: Naalakkersuisut aallartittariaqalerput

Aningaasaqarnermut Siunnersuisoqatigiit Naalakkersuisut aaqqissuusseqqinneq aallartittariaqaleraat oqariartuutigaat.
Torben M. Andersen Assi © : Naalakkersuisut
Allattoq Mads Pedersen
septembarip 23-at 2014 10:17

Nunatsinni aningaasaqarneq ajorseriaqqissanngippat, aaqqissuusseqqittoqartariaqarpoq, taamaalilluni aningaasat 300 millionit koruunit isertinneqassallutik, Aningaasaqarnermut Siunnersuisoqatigiit ukiumut nalunaarumminni taama allapput, oqarlutillu politikerit tigussaasunik maannakkorpiaq suli qanoq iliuuseqanngitsut.

AAMMA ATUARUK Ineqarnermut politikki pisuunuinnaq iluaqutaasoq

- Ukioq kingulleq aningaasanut inatsisissatut siunnersuummi aaqissuusseqqinnissamik pilersaaruteqarpoq, tamannali pinngilaq. Massakkullu aamma taamak pilersaarusiortoqaqqippoq. Taamaammat aaqissuusseqqinnerit pingaaruteqarluinnarneri oqariartuutigaarput, piaartumik iliuuseqartoqartariaqarpoq.

AAMMA ATUARUK Aningaasaqarnermut Siunnersuisooqatigiit sakkortungaatsiartumik mianersoqqussuteqarput

- Namminersulernitsinnit ukiut tallimat ingerlareerput, aaqqissuusseqqinnerillu pingaarnerit pinikuunngillat. Taamaammat pingaaruteqarluinnarpoq aallartinnissaq, Aningaasaqarnermut Siunnersuisoqatigiit siulittaasuat, Torben M. Andersen KNR-imut oqarpoq.