Assi: Kommune Kujalleq.

Siunnersortit inimut akiliinissamut ikiorsiissasut

Kujataani inissiani attartortittakkani najugaqartut aningaasatigut siunnersorneqarnissaannut, Kommune Kujalliup Namminersorlutillu Oqartussat INI A/S suleqatigalugu misiliillutik neqeroorfigisalerniarpaat, ineqarnermut akiliutissamikkut ajornartorsiulersut aningaasaqarnermut siunnersortinit marlunnit ikiorneqarsinnaasalissallutik.

Aningaasaqarnermut siunnersortit marluk atorfinitsinneqareerput, akeqanngitsumik nipangersimasussaatitaallutillu kinaassutsimik nalunaarsuinertaqanngitsumik Kujataa tamakkerlugu siunnersuisartussanngussallutik. Siunnersuisartussat taakku Narsami Qaqortumilu ulluinnarni sulisartussatut pilersaarutigineqarput.

Inissianik attartortut akiliutissaminnik ajornartorsiuleraangata, soorlu ulluinnarni aningaasaqarnikkut allanngoriataartoqartillugu imaluunniit akilersugassatut pisussaaffigisat piffissaq eqqorlugu akilersornissaat ajornartorsiutaalertillugit.

Aningaasatigut siunnersortit siunnersuillutillu ilitsersuisinnaasassapput, soorluttaaq aningaasaqarnikkut atukkat, akiitsut akiligassallu tamakkiisumik aqussinnaalernissaannut ilitsersuisinnaasassallutik.
Kommuni, Namminersorlutik Oqartussat, aningaaseriviillu suleqatigalugit atorluagassatut periarfissaasut tamaasa atorneqarnissaat qulakkeertartussaagaat, INI A/S-ip tusagassiuutinut nalunaarutaani atuarneqarsinnaavoq.

Attartortoq peqatigalugu aningaasaqarnermut siunnersortit missingersuusioqataasassapput, pisariaqarfiutillugulu pisortaqarfiit akiligassaqarfiillu attavigisinnaasassallugit.

Attartortut inigisaminniit anisitaanissaraluisa pinngitsoortinnissaat, ikilisinnissaalluunniit anguniarlugu taama aaqqissuussineq misileraaneruvoq, annertuumillu akiitsoqalertartut inuuniarnermikkut aaqqikkuminaatsumik inissisimalernissaraluat pinaveersaartinneqassalluni.

Aningaasaqarnermut siunnersortit attartortunut ikiuiumallutik saaffiginnittartussaapput, attartortulluunniit aningaasaqarnermut siunnersortinut saaffiginnissinnaallutik. Taamaaliorniaraanni ikorfaq@ini.gl-imut saaffiginnittoqarsinnaassaaq, soorlu aamma oqarasuaat 70 10 00 aqqutigalugu saaffiginnittoqarsinnaassasoq.

 

Isummersuutit

inatsisartut_forarssamling_2017_nils_baum_bureau_for_inatsisartut.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!