VIDEO Siumut qinigassanngortitaalu

Partii 1977-imi pilersinneqarpoq, nunatsinnilu ukiorpassuarni partiit annersarisimallugu, inuinnaat naalakkersuisooqataatillugit socialismemik tunngavillit.

Ataatsimoorneq – Toqqissisimaneq – Ineriartorneq, tassaapput Siumut novembarip 28-iani qinersinermut atatillugu pingaartillugit angorusutai.

- Aalisarnerup, aatsitassarsiornerup, sanaartornerup aammalu takornariartitsinerup iluani aningaasarsiorfissat annertusarneqarnissaat pillugu qineqqusaarpugut. Inuussutissarsiutini amerlanerusuni isertitaqarnerulernissarput aalajangiusimaneqassaaq, aammalu inuit amerlanerusut sulilernissaat qulakkeerneqassalluni, sanaartornerup annertusarneqarneratigut aammalu inuusuttut amerlanerusut ilinniagaqalersinneqarnerisigut.

- Qinigaaffimmi 2014-miit 2018-imut iliuuseqarsinnaaneq, takorluugaqarsinnaaneq suleqatigiissinnaanerlu pisariaqarluinnassapput – Inatsisartuniinnaanngitsoq, aammali inuiaqatigiinni tamani. Siumut piareersimavoq politikkikkut anguniakkat timitalerniarneranni inuiaqatigiit toqqissimasumik, innuttaasut atugarisaat pitsaasut qulakkeernissaat aammalu minnerunngitsumik aningaasarsiorneq eqqarsaatigalugu siuariartortitsisoqarnissaa, taamaaliornikkut inuit amerlanerusut sulilersinneqassammata. Siumut siulittaasua Kim Kielsen, Siumup qinersinermi anguniagassatut pilersaarutaani aallaqqaasiummi taama allappoq.

Siumut pillugu allaaserisat kingulliit uani atuarneqarsinnaapput.

Siumup anguniagaani allaqqavoq, partiip anguniagarigaa naqisimaneqanngitsumik inuillu susassareqatigiillutik ikioqatigiillutillu ineriartornissaat.

- Eqqarsartaatsip siammariartortinneqarnissaa akuerineqarnissaalu, partiip naalakkersuinikkut anguniagai tunngavigalugit, partiip nittartagaani ilaatigut taama allaqqasoqarpoq.

Upernaaq 2013-imi qinersinermi Siumut qinerneqarnerpaavoq, qinersisut 42,8 procentiisa qinermassuk. Taamaalillutillu Inatsisartunut 14-inik isertitaqarlutik. Aleqa Hammond siullersaalluni arnani Naalakkersuisut Siulittaasorilerpaat, Atassut Partii Inuillu Naalakkersuisooqatigalugit. Ukiut aappaa affaq qaangiutiinnartoq Naalakkersuisooqatigiit ajalusoorput qinersinissarlu suaarutigineqarluni.

Siumut pillugu paasissutissat

Pilersinneqarfia: 1977

Siulittaasoq: Kim Kielsen

2013-imi qinersineq: Taasinerit 42,8 procentit pissarisarai Atassullu aamma Partii Inuit naalakkersuisooqatigiinnissamik isumaqatigiissuteqarfigalugit, kingullertulli taaneqartut qaammatit arfineq-marluk qaangiunnerini - oktobarip qaammataani - naalakkersuisooqatigiinnit tunuarput.

2009-mi qinersineq: Partii 26,5 procentinik taaguunneqarluni taaguunneqarnerpaat aapparaat IA 43,7 procentinik taaguunneqarnerpaalluni illuatungiliuttunngortoq.

2005-imi qinersineq: Siumut qinersinermi 30,4 procentinik taaguunneqarluni ajugaasuuvoq Inuit Ataqatigiit (22,4) Atassullu (19,0) naalakkersuisooqatigiinnissamik isumaqatigiissuteqarfigalugit.

Politiiusimasoq 47-nik ukiulik, ukiorpassuarnilu partiimi ilaasortaq  Kim Kielsen Siumumi siulittaasunngorpoq oktobarip 18-iani, partiip iluani aalassassimaartoqareersorlu. Septembarip 26-ani paasineqarpoq, siulittaasuusimasoq Aleqa Hammondip Nunatta karsia atornerlussimagaa, 106.363,27 koruuninik atornerluilluni. Oktobarip aallaqqaataani Naalakkersuisuutitai ajalusoorput, siulittaasutullu tunuarpoq, qinersinissarlu nalunaarutigineqarluni.

 

Siumup qinigassanngortitai:

 

Anders Olsen

Sten Egede Hegelund

Pitsi Petrine H. Høegh

Suka K. Frederiksen

Benjamin Kielsen

Ineqi Kielsen

Vivian Motzfeldt

Kim Kielsen

Aka Grønvold

Andreas Karl Egede

Doris Jakobsen

Finn Karlsen

Jens-Erik Kirkegaard

Julie Pilunnguaq Rademacher Andersen

Karen Motzfeldt

Karl-Kristian Kruse

Kenneth Rasmussen

Konrad Boye

Lars Mathæussen

Lars-Emil Johansen

Ludvig Hansen

Margrethe Thaarup Andersen

Martha Lund Olsen

Mette Rasmussen Larsen

Monica Dorph

Nick Nielsen

Per Berthelsen

Peter Davidsen

Tommy Marø

Vittus Qujaukitsoq

Vittus Maaru Mikaelsen

Laura Táunajik

Lasarus Mikaelsen

Andreas Sanimuinaq

Karl Lyberth

Gedion Lyberth

Ruth Heilmann

Ane Marie Kreutzmann

Lauritz Kreutzmann

Evelyn Frederiksen

Frederik Olsen

Leif Løvstrøm Mathiesen

Lars Jørgen Kleist

Enok Sandgreen

Nikolaj Jeremiassen

Hans Peter Lennert

Jess Svane

Kristian Jeremiassen

Bernhardt Olsen

Akannguaq Alaufesen

Magssanguaq Qujaukitsoq

Sakio Fleischer

Jens Imanuelsen

Edvard Heilmann

Thimothæus Petersen

David Qujaukitsoq

Mads Ole Kristiansen

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!