Siumut Qaqortumi ataatsimiisitsisoq
Partii Siumut aasaanerani naapisimaarnerat ulluni makkunani kujataani ingerlanneqarpoq.
Allattoq Jaaku Lyberth
juulip 04-at 2016 12:29
Katerisimaarluni ataatsimeeqaatigiinneq Siumut Summer Summit 2016-mik taaguuteqartinneqarpoq, tassanilu
partiimi siulersuisuunerit, inatsisartuni naalakkersuisunilu ilaasortat peqataapput .
Qaqortumi Sulisartut Højskoliani ataatsimiinnermi assigiinngitsunik aaqqissuussisoqarpoq soorlu Siumup aaqqissuussaanera aammalu attaveqartarneq oqaluuserineqassallutik.
Ullumi ataatsimiinnermi kommunemut qinersinissamut periareersanerit oqaluuserineqassapput.
Siumut politikkikkut inissisimanera siunissamilu anguniakkat nutaat aqagu oqaluuserineqassapput.
Sisamanngorpat julip ulluisa arfineq aappaani partii Siumumi aasaanerani katerisimaartut kujataani savaateqarfinnut angalaassapput.
