Siumup Kattusseqatigiit Partiiat avippaa

Kattusseqatigiit tungaanniit borgmestereqartitsiinnarnissamik piumasaqarneq Siumup tungaaniit tulluarsorineqanngitsoq avannaani Siumut siulersuisuini siulittaasup Palle Jerimiassen-ip oqaatigaa.

Qinersisoqarmat Siumut avannaani qulingiluanik isertitaqarluni qinigaanerpaavoq, Kattusseqatigiillu Partiiat marlunnik isetitaqartoq.

Siumut Atassullu isumaqatigiissutigaat politikkikkut sinaakkutissanik isumaqatigiinniarnerit aallartivinniarlutigit.

- Atassutikkut akuersaarpaat Siumukkormiunik borgmestereqartitsissallutik taannalu aamma aallaavigalugu oqaloqatigiinnerit ingerlaqqissapput, Palle Jerimiassen oqarpoq.

Kina borgmesterissatut tikkuarneqassanersoq Siumumi suli aalajagiiffigineqanngilaq.

Avannaani Siumup siulersusuini siulittaasoq Palle Jerimiassen aperaarput innuttaasut sullinneqarnerat sapinngisamik pitsaasumik anguniarneqarnissaanik siunniussartik qanoq ilillugu piviusunngortissamaarneraat.

- Siumuminngaanniit oqariartuutigereernikuuarput, illoqarfiit nunaqarfiillu lokalråd-eqarnissaat ornigigipput, tamannalu ilumut piviusunngussanersoq isumaqatigiinniarnerup takutissavaa.

Avannaani Kommunet kattuppata kina borgmesterinngorumaassanersoq sapaatip akunnerata tulliani nalunarunnaassasoq aamma erseqqissaatigaa. Anthon Frederiksen Qanoruumut oqarpoq, Inuit Ataqatigiit allallu attaveqarfiginiarini.