Siumup inuusuttaasa Enoksen tapersersorpaat

Siumup inuusuttunut suleqatigiiffiata SIS-ip Siumumi siulittaasussatut sorleq piukkunnerlugu ullumi nalunaarutigaa. Siulittaasup Doris Jakobsenip ilisimatitsissutigaa siulersuisuni ilaasortat amerlanerussuteqartut sisamat maanna siulittaasuusoq Hans Enoksen piukkukkaat. Tunngavilersuutigineqarpoq piffissami aggersumi Enoksen nukittunerunissaa isumaqarfigigamikku aappaatullu tunngavilersuutigineqarluni nunaqarfinnik tapersersuisuummat.

Siulersuisuni ikinnerussuteqartut marluk, taakkununnga Doris Jakobsen ilaalluni, isumaqarput Hans Enoksen sanngiippallaartoq siulittaasuunissamullu naleqqutinngitsoq. Aamma naalakkersuisooqatigiinni Inuit Ataqatigiit eqqarsaatigalugit Siumukkormiut sanilliullutik oqaaseqartitaanissartillu sinnerlugit oqaaseqartartut.

SIS-mi pingaartinneqarpoq inuusuttut tapersersorneqarnissaat, Jørgen Wæver Johansenilu ikinnerussuteqartunit marlunnit piukkunneqarneranut tunngavilersuutigineqarpoq taanna soqutiginarluartunik sorsuutigerusutaminillu suliaqartarnera.