Siumup Atassummik naalakkersuisoqateqarnini toqqissisimanartippaa
Siumup Atassutillu suleqatigiissimanerat Hans Enoksenip assut toqqissisimanartippaa, Inuit Ataqatigiit naalakkersuisoqatigisarnerini maannaannaq qinersisoqartarsimanera eqqaallugu.
Allattoq Mads Lynge
Hans Enoksen ima oqarpoq:
- Atassullu naalaakkersuisoqatigiinnerput assut toqqissisimanarmat oqaatigissavara, aamma qinigaaffik kiisami naavarput. Inuit Ataqatigiillu ukiut siuliini naalakkersuisoqatigiittarnigut eqqarsaatigalugit maannaannaq qinersisoqartarpoq. Tamanna uanut ilungersunartuunikuuvoq. Taamaammat Atassullu naapeqqissinnaagutta ajunngitsutut isigaara, partiilli allat aamma tunuliaqutaqarmata mattunneqarsinnaanngillat, Hans Enoksen oqarpoq.