Siumumi isumaqatigiinnginnerit qinersisartut tatiginninnerannik innarliisinnaasoq
Vittus Qujaukitsup siulittaasuminut Kim Kielsenimut isumaqatigiinngissuteqareerluni naalakkersuisutut ataasinngormat tunuarnera ammasumik assortuunnerni kingulliuvoq. Lars-Emil Johansenip Kim Kielsenimut isornartarsiuinera, Martha Lund Olsenip naalakkersuisututut tunuartinneqarnera Qaasuitsullu kujasissortaani Siumup marlunngorluni avinnera siornatigut pisunut ilaapput.
AAMMA ATUARUK Qujaukitsoq tunuartoq
Siumumilu ilaasortat partiip angusarisaanut naammaginninngippasittut, Axel Jeremiassen isumaqarpoq.
- Siulittaasut nikinnerisa kingorna aalajngersakkat naalakkersuisnikkulluunniit anguniakkat piviusunngortinneqarsinnaannginneri sulissutigineqarsimannginneriluunniit naammagineqanngillat,
Politikkikkut malinnaasoq, Axel Jeremiassen KNR-imut oqarpoq.
Siumumilu ilaasortat ammasumik assortuutiinnarpata qinersisartut partiimut ajornerusumik isiginnilersinnaasut, Jeremiassen isumaqarpoq.
AAMMA ATUARUK Qujaukitsoq siulittaasussatut piukkunnarpoq
- Imaassinnaavoq qinersisartut ilaasa tamanna naammaginngikkaat naammagijunnaaraalluunniit. Qinersisartut ilaat apeqqusiisalernerannik allanilluunniit ilaasortaatitaqarusulernerannik kinguneqarsinnaavoq, Axel Jeremiassen.
Partiimilu ilaasortat katersuussappata, Kim Kielsen siulersuisuunerillu Siumup anguniagassaanik katersuuffiusinnaasunik siunniussisariaqarput.
- Naalakkersuinikkut anguniakkut erseqqissut tunngavilersorneqartariaqarput. Qanoq ilillutik piviusunngortinneqarsinnaanersut imaluunniit suut salliutinneqartariaqarnersut, taavalu naalakkersuinikkut aaqqissuussaanermi kikkut siuttorerusunneqarnersut, politikkikkut malinnaasoq, Axel Jeremiassen taama oqarpoq.
AAMMA ATUARUK Siumumi aporaannerit imaaginnavipput