Sisimiuni inuusuttut ornittagassaat nutaaq

Ejendomsselskabet Sisimiut Ungdomshusimut inuutissarsiorfimmik attartortitsinissaminik Qeqqata Kommunia isumaqatigiissusiorpoq, Igloo Mountain-imullu ingerlatsinissamik isumaqatigiissusiorluni.

Borgmester Hermann Berthelsenip assigiinngitsunik tunngaveqarluni pilersaarut nuannaarutigaa, tassami inuusuttut amerlanerusunik sammisassaqartinneqarnissaannut, kommunillu suliassaataasa namminersortunngorsarneqarnissaannut atatillugu ilaatigut innuttaasut peqataatinneqarnissaat Qeqqata Kommuniata pingaartitarimmagu.

- Tamanna uatsinnut atuilluarluni ineriartortitsineruvoq, borgmesteri erseqqissaavoq.
 
Inuusuttut ornittagassaat nutaaq Sisimiuni Nalunnguarfiup eqqaani inissinneqassaaq, taamaalillunilu illoqarfimmi meeqqat atuarfiisa, illoqarfimmi Teknikimik Ilinniarfiup, Nalunnguarfimmilu illoqarfimmilu sunngiffimmi neqerooruterpassuarnut inuusuttut ornittagassaat, suli pinngortitamut tikikkuminartitsilluni ungasinngisaaniissaaq.

- Tamanna Sisimiuni inuusuttunut annertuumik nutaamik periarfissaqalersitsissaaq, Hermann Berthelsen oqarpoq.

Kommunip inuusuttunut maannakkut ornittagaataa, Sisimiut illoqarfiata avataaniilluni inuutissarsiorfimmiippoq.

Kommunip illuutaa taanna siunissami qanoq pineqassanersoq suli aalajangerneqanngilaq, kingusinnerusukkulli akisunerpaamik neqerooruteqartunut tunineqarnissaanik kommuni pilersaaruteqarpoq.