Sisimiormiu ajunaarsimassangatinneqartoq
Angut 58-nik ukiulik Sisimiuneersoq Sisimiut avannaanni Isortup paani aallaaniartilluni immamut nakkartoq maanna ajunaarsimassangatinneqartoq, Qeqqata politiivisa nalunaarutigaat.
Sisimiut
Allattoq Hagen Højer Christensen
decembarip 16-at 2014 10:58
Nutserisoq Jaaku Lyberth
Angut 58-nik ukiulik tallimanngornermi ualikkut tammaaneqartutut nalunaarutigineqarpoq, aallaaniaqataaniillu nalunaarutigineqarsimavoq, anorlilermat angutip angallatini kisarniartillugu immamut nakkarsimasoq.
Politiit nalunaarfigineqarnermi kingorna politiit angallataat Sisak IV ujaasitillugu aallartippaat soorluttaaq qatserisartut aqqartartui ujaasitinneqarlutik.
Isortup paavani sikoqarpallaalersimanera pissutigalugu ujaasineq ilungersunartorsiorfiusimavoq ujaasinerlu unitsinneqarluni.
Angutip 58-nik ukiullip ajunaarsimanissaa politiinit ilimagineqarpoq, ujaasinerlu unitsinneqarluni.
Angutip ilaqutai ilisimatinneqarsimasut Qeqqata politiivi nalunaarput.
