ASSIT Siriusip alapernaarsuisuinut tikeraarneq

Siriusip alapernaarsuisui Mestersvigimut Daneborgimullu angalaqatigeqqammerpagut. Assilisavut takukkit.
Allattoq Walter Turnowsky
marsip 05-at 2015 12:32

Assinik takutitsivipput ajoraluartumik akornuteqarmat assit oqaasertassaat ugguuna saqqummiuttariaqarpagut:

  1. Qimmit qimuttut angalajunnaareersut Mestersvigimi allamik suliassaqartinneqarput. Nannunik qaninngoortunik nakkutilliisinneqarput. Qaninngoortoqaraluarpat ingerlaannaq kalerriissapput.
  2. Anorersuarluni persernera Siriusermiup aporfiginngilaa. Nicolai Windelborgip qimmit ullormut arlaleriarluni alakkartarpai.
  3. Napasuliamit 'gnistholdet'-ip qimussimik angalasut ullut tamaasa attaveqarfigisarpaat.
  4. Siriusimi nassaarsiullaqqissuusariaqarpoq. Illup qaava apilluarsimatillugu spånplademik ikkusinikkut qimmiaqqat inaannut "vappehuset'-imut aqqut ullut tamaasa nivattariaaruppoq.
  5. Angisuunngoruma aamma uanga qimuttalissaanga.
  6. Hold 1-ip qamutissai angalanissamut tullermut piareerput. Siriusermiut allat assingalugit namminneerlutik qamusiaraat.
  7. Daneborgimi ullut ilaanni: Qulinik issippoq 15 - 18 m/s-inillu anorlermat perserlunilu nillernerusutut misinnarpoq, erseqqarissusaa 100 meterit missaaniippoq.
  8. Qimmit sila taamaatsillugu qiiaammisutut timertik eqisartittarpaat.
  9. Dannebrog Daneborgimi.
  10. Qimmit kilometerit tuusinterpassuit qamutit oqimaatsorsuit angallatereerlugit maanna Mestersvigimi oqitsumik suliakkerneqarlutik eqqissisimaarput.
  11. Qamuteralaat aamma atorneqarsinnaapput. Michael Kristensenip qamuteralaatai aajuku.
  12. Michael Kristensenip timmisartuaraq Twin Otteri usilersorpaa.
  13. Nunatta avannaarsuani qulimiguulimmit isikkivik.