”Sirius”-imi ilitsersuisoq Kujataani UFO-nik assiliisoq

Qaamaneq eqqumiitsoq videomi Macbookikkut isiginnaarneqarpoq. Narsarsuarmi mittarfiup ungasinngisaani unnukkut qaqqap qulaani qangatavoq.

- Takusinnaaviuk? Lasse Rahbekip qarasaasiaq tikkuarlugu aperivoq, angullu videomi filmiliortoq nillialerpoq qaamasorlu sangusaqattaarluni ingerlalerpoq.  

Lasse Rahbek assiliisartuullunilu piviusulersaarusiortartuuvoq. Iluatsilluartumik piviusulersaarusiani 'Sirius', nunatta avannamut kangisinnerusortaani, qimussimik Siriusimi nakkutilliisut malinnaaffigisimanerinik imalimmik misigisimasanilu pillugit, Katuami kulturip illorsuani Hans Lyngep inersuani, soqutiginnittunik tusarnaariarneqarluartumik saqqummiivoq.

Maannakkut nunatta kujasinnerusortaani, UFO-t pillugit oqaluttuat suliassamini tuulinnguuppai.

Folk i Narsarsuaq har hjulpet med transport, bolig og kontakter til øjenvidner. Assi © : Lasse Rahbek

Saqqumiinissami pinissaa sapaatip akunneranik sioqqullugu, tusarnaagassaiami ‘UFOrklarligt’ -imi suleqatini Martin Kleist peqatigalugu, Narsarsuarmi qaamanernernik eqqumiitsunik, Narsarsuarmi najungaqartunit taarsigaangat takuneqartartunik misissuiartorsimapput. Sapaatit akunnerini kingullerni, qaamanerit eqqumiitsut inuttaasunit unnuit tamaasa takuneqartalersimapput.

- Qaqqaqarfimmi sumiiffimmi aalajangersimasumi takuneqartarput. Qaamanerit takuneqartartut qaammaqattaartarput assigiinngitsunillu nikeqattaartarlutik, talerpimmiit saamimmut nikeqattaariarlutik tammaannartarlutik, taama oqaluttuarpoq Lasse Rahbek.

Takuneqartartut suuneri nassuiaruminaassinnaapput. Eqqumiippalunngitsumik nassuiarnissaat ajornakusoorsinnaavoq, ilitsersuisoq ilassuteqarpoq.

Takuneqartartut misissorneqarnissaat soqutiginaateqarmat, suleqatigiit marluullutik Narsarsuarmut angalaniarlutik aalajangerput, assiliinermut atortorissaarutitik oqorsaatissatillu tamaasa piareereersimavaat, qaamanernillu eqqumiitsunik takunniffiusartumi, UFO-mik assiliiniarnissaat tullinnguutissaaq. 

Siriusimiit UFOnut

Tunup avannaarsuani pivisulersaarut 'Sirius' maannakkullu suliniut, Lasse Rahbekip Martin Malimmillu suliarineqarlersumut, imminnut naleqqersuutissallugit asigiinngitsorujussuupput.

Suliami siullermi filmiliutip paarinissaa ajornakusoorsimanngilaq, toqqissisimaffigisaq qimanngikkaluarlugu suliaq siulleq suliaraara, taama Lasse Rahbek nassuiaavoq.

Lassellu ilisimaarivaa suliassani nutaaq UFOnut tunngasoq allaanerujumaartoq.

Suliamut tunngatillugu misissuinermi, timmisartortartut inuillu allat suliamut peqataarusussimanngillat, naqissuserneqarlutik isiginerlunneqalernissarlu ersissutigalugu.

Over fjeldet på den anden side af lufthavnen optræder lysene i Narsarsuaq. Assi © : Lasse Rahbek

Piviusulersaarusiortartulli allat qanoq isumaqarnersut soqutigiunnaarsimavaa.

– Jeg synes efterhånden, at man er mere en sølvpapirshat, hvis man ikke tror, at der er noget til det her fænomen end omvendt, siger han.

- Isumaqarpunga takunniffiusartumi arlaannik soqannginnasuineq eqqumiinnerusoq, taanna oqarpoq.

-Isumaqarpungalu nunarsuarmi pisunik nassuiaruminaattunik suliaqarneq soqutiginartuusoq. Assorsuaq soqutiginartippara takuneqartartut suuneri ilisimaneqanngimmata.

Avataarsuatsinnut soqutiginninneq

Lasse Rahbekk suleqataalu UFO-nut tunngasunik soqutiginnillutik kisiartaanngillat.

Danmarkimi tusarnaagassiaq ‘Flyvende tallerken’ tusarnaarneqarnerpaavoq. Avataarsuatsinni inuuneqarnersoq, pisut nassuianeqarsinnaanngitsut, timmisartullu takuneqarsimasut eqqumiitsut, allarpassuillu tusarnaagassiami aallakaatitsivimmiittut misissortarpaat. Aallakaatitassiaq tallimassaaneerluni ingerlavoq, 50-60 tunsitsillu missaanni, sapaatip akunnikkaarlugit downloaderneqartarpoq.

Ukioq 2020-imi amerikamiut illersornissamut aqutsisoqarfiata, Pentagonip, UFO-nik filmiliat saqqummiuppai tamanit takuneqarsinnaalersillugit, piviusulersaarusiorluni ilitsersuisuusup ilimangivaa soqutiginnittoqarnerulerneralu taassuminnga peqquteqartoq.

Nunatta kujasinnerusortaani takuneqartartut, UFO-t pinngikkaluarlugit allamik nassuiaatissartaqarsinnaappat?

– Aap, Lasse Rahbek akivoq. 

-Immikkut ilisimasaliunngilanga, Naliginnaasumik nassuiarneqarsinnaappata tamanna ammaffigivara. Nassuianeqarsinnaarataannaapput, tamannalu ilimanaateqarpoq ,ilanngullugu oqarpoq.

- Avataarsuaneersuunersut punngutaasaasat timmisartuunersulluunnit naluara.

- Takuneqartartut suunerisa ilisimaneqannginnerat soqutiginartippara. Nunaqarfiaqqamilu inuppassuarnit unnuit tamaasa takuneqartarmata, isumaqarpunga tkunnisimasut tusarnaarnissaat pingaaruteqartoq. 

UFOmik takunikuuit?

UFO-mik takusimanersusi aperisariaqarpunga, takuisi?

- Aap, UFOmik takuvungut? Lasse Rahbek nalornivoq

Da Lasse Rahbek og kollegaen hørte, at folk tager ud for at se efter UFO'er hver aften, blev de enige om, at tage afsted. Assi © : Lasse Rahbek

Unnuk siulleq qaamanermik takusimapput, kisiannili assiliissut piareeqqatissimannginnamiuk, qilammi qaamaneq nuipiloortoq tarreqqinnginnerani assilissallugu inortorsimavaa.

-Nassuiarneqarinnaanngitsutut oqaatigerusunngilara, ilisimanngilarami sunaanersoq, taanna oqarpoq.

Lasse Rahbek Narsami UFOt pillugit, DR-imi aallakaatitassiami 'Horisont'-imi ilanngutassiornissaminut tapiiffigineqarsimavoq. Pilersaarutigivaalu suliap annertuninngornissaa. Taamaattumik Narsarsualiaqqinnissaminut pilersaarusioqqilereerpoq.

-Silarloqattaarsimavoq, taamaattumik uteqqikkusuppunga. Apeqqutaassaarli qaammariartulereermat qaamanerit suli takuneqarsinnaassanersut, taanna oqarpoq.

-Isumaqarpunga takunniffiusartumi susoqarnera misissussaluugu pingaruteqartoq, taanna naggasiivoq.