Siorna finalertut annguteqqipput

Angutit arsaallutik pissartanngorniunnerisa naggataarneqarnissaanut qulit anngupput. Siorna finalertut G-44 Qeqertarsuarmiit aamma B-67 Nuummiit annguttunut ilaapput.
Allattoq Noah Mølgaard
juulip 30-at 2012 06:58

Arsaalluni angutit pissartanngorniunnerisa naggataarneqarnerat sapaatiuppat Ilulissani aallartissaaq anngunniunnerillu kingulliit ippassaq sapaammi naammassipput. Unamminerit ilaatigut naligiiffiussagunarput anngunniunnernimi taama pisoqareermat.

Qeqertarsuup tunuaniit annguttut pingasut sakkortuujupput. Siorna pissartat G-44 Qeqertarsuarmiit aamma Kugsak 45 Qasigiannguaniit mellemrundemi 1-1-mik naligiiginnarput. Qeqertarsuup tunuaneersut pingajoraat aaqqissuisut Nagdlúnguak Ilulissaniit siorna anngutinngitsut. Ukiormannali aaqqissuisussaagamik piareersarluarpaloqaat.

Siorna finalertut arlaat B-67 Nuummeersut taamani finalemi straffeqattaareerlutik ajorsartut annguteqqipput qeqqaniillu SAK Sisimiuneersoq annguteqatigaat.

Kujataaniit Eqaluk Tasiusameersoq aamma Nagtoralik Paamiuniit anngupput, tunumiit ATA Tasiilamiit annguttut.

Avannaaniit FC Malamuk Uummannameersoq aamma UB-83 Upernavimmeersoq anngupput.

Puljenut suli makitsisoqanngilaq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq