Sinerissap qanittuani saarullinniarneq ullumi unissaaq
Kalaallit Nunaanni Aalisarsinnaannermut Akuersissutinik Nakkutilliisoqarfiup nalunaarutigaa sinerissap qanittuani saarullinniarneq ullumi novembarip 19-ianni 2014 unitsinneqassasoq.
Allattoq Aaqqissuisoqarfik / Redaktionen
- Matumuuna nalunaarutigineqassaaq sinerissap qanittuani saarullinniarneq pingasunngorpat novembarip 19-ianni 2014 unitsinneqassammat, pisassiissutit nungulermata. Aamma ulloq taanna tunisiviussaq kingulleq, Kalaallit Nunaanni Aalisarsinnaannermut Akuersissutinik Nakkutilliisoqarfik tusagassiorfinnut taama nalunaaruteqarpoq.
AAMMA ATUARUK Sinerissap qanittuani saarullittassat 1.500 tonsinik ilaneqartut
Aalisaatit kingusinnerpaamik ulloq taanna qaqinneqariissapput.