Simon Lynge meeqqat pisinnaatitaaffii pillugit qaammarsaaqataassaaq

Meeqqat Inuusuttullu Oqaloqatiginnittarfiat, MIO, tusagassiuutinut nalunaarummi taama ilaatigut allaaserisaqarpoq.

- MIO-p nuannaarutigalugu nalunaarutigissavaa Meeqqanut ambassadørissamik nutaamik ilisarititsissammat. Meeqqanut ambassadørip meeqqat pisinnaatitaaffiinik illersuisussaavoq. MIO-p Meeqqanut ambassadøria nutaaq tassaavoq erinarsortartoq taalliortartorlu Simon Lynge, MIO tusagassiuutinut nalunaarummi taama ilaatigut allappoq, nangillunilu:

- MIO-p ukiup naalernera malunnartinniarlugu inuk immikkuullarissumik qaqutigoortorlu Simon Lynge toqqarpaa, Meeqqat Illersuisuat Aviâja Egede Lynge taama ilaatigut oqarpoq.

Aamma atuaruk Meeqqat sinniisui: Meeqqat juullimi sumiginnarnagit

Erinarsortartorlu ilisimaneqarluartoq Simon Lynge meeqqat pisinnaatitaaffiit pillugit qaammarsaaqataalissaaq, Naalagaaffiit Peqatigiit Meeqqat pisinnaatitaaffii pillugit isumaqatigiissutaannut tunngasunik Kalaallit Nunaanni inuusuttunut meeqqanullu siammarterissalluni:

- Aviâjap inuusuttut meeqqallu pisinnaatitaaffii pillugit sorsoqatigerusullunga ilaserimmanga assut nuannaarsimavunga, soorunami taamaaliorusuppunga. Arlaannik pingaartitaqaruma, taava tassaavoq meeqqat inuusuttullu ajunngitsumik atugaqarnissaat, erinarsortartoq Simon Lynge oqarpoq.

Aamma atuaruk VIDEO Ambassadørit Inatsisartuni meeqqat samminerulissavaat

Taalliortartoq taanna ilisimaneqarlualersimasoq 2018-imi juunip aallaqqaataa tikillugu Meeqqanut ambassadøriussasoq Meeqqat Inuusuttullu Oqaloqatiginnittarfiata MIO-p nalunaarutigaa.