Silap pissusiata allanngoriartornera ilisimaneqanngippallaartoq

Nunarsuatsinni inuit inersimasut 40 procentiisa silap pissusiata allanngoriartornera tusarsimanngisaannarpaat, tamanna nunani tamalaani misissuinermi atuagassiami Nature Climate Changemi saqqummiunneqartumi atuarneqarsinnaavoq.
Allattoq Karsten Sommer
juulip 29-at 2015 13:23
Nutserisoq Simon Uldum -

Silap pissusiata ajornartorsiutaanera, pingaartumik nunani ineriartortitani innuttaasunut tamanut anngussimanngilaq, nunanilu Igitsinitut Indiatullu ittuni innuttaasut pingasuugaangamik marluk silap pissusiata allanngoriartornera tusarneqarsimanngisaannarpaat.
 
Ilisimatuut misissuinerisa inernerata ersersippaa silap pissusiata maannakkut allanngoriartornera pillugu ilinniartitsisoqarlunilu paasissutissiisoqartariaqartoq.
 
Misissuinermittaaq paasineqarpoq silap pissusiata allanngoriartornerata kingunerisaanik qanimut misigisaqartut, silap pissusiata allanngoriartorneranik ilisimaqassusaat annnertunerusoq.
 
Tamannalu ilaatigut Kinami atuuppoq, nunamimi tassani silaannaq imerlu mingutsinneqarsimapput, taamaammat silap pissusiata allanngoriartornerata kinamiut inuunermik pitsaassusaanut aarlerinartutut isigaat.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq