Silap pissusia pillugu isumaqatigiissusiornissamut Danmark akimmisaartitsisoq
Issittumut tunngatillugu silap pissusia pillugu angusaqarluarniarfiusumik isumaqatigiissuteqarnissamut Danmark akimmisaartitsisuuvoq. Aviisi Politiken taama allaaserisaqarpoq, Danmarkillu USA-p præsidentianut Obamamut akuersaarsimannginnera, taamatullu avatangiisit pillugit angusaqarluarniarfiusumik isumaqatigiissuteqarnissamik pinngitsoortitsisoq aamma allaaserineqarpoq.
Aamma atuaruk Greenpeace Danmark immami eqqissisimatitsivinnik pilersitserusunnginnera narrujuummissutigaa
Politiken naapertorlugu, isumaqatigiissutissap Nunatsinnut qanoq sunniuteqarsinnaanera Danmarkip ernumassutigisimavaa. Nunatsinnimi Naalakkersuisut imaani eqqissisimatitsivinnik pilersitsinissaq kissaatiginngilaat, tamanna siunissami aalisarnikkut aningaasarsiornissamut periarfissanut akornusiisinnaammat.
- Issittoq eriagissavarput, aammali aningaasarsiornissamut soqutigisaqarfigineqarnera ilisimasariaqarparput, ministeriuneq Lars Løkke Rasmussen isumaqatigiissusiortoqarnerata kingorna tusagassiortunik katersortitsinermi taama oqarpoq, Politiken taama allaaserisaqarpoq.
Nunanut allanut ministerip naammagisimaaarpaa
Ministeriuneq nunanut allanut ministerimit Kristian Jensenimit isumaqatigineqarpoq, taanna isumaqarluni isumaqatigiissutigineqartoq pitsaasuusoq.
Aamma atuaruk Naalagaaffiit tamalaat silap pissusia pillugu atsioqatigiipput
- Amerikamiut isumaqatigiissummik pitsaasumik kissaateqarlutik peqataapput, taakkuli uagut Kalaallit Nunaannut tunngatillugu isiginnittaatsinnit allaanerusumik nunat inoqqaavinut taakkulu inuussutissarsiornikkut periarfissaannut isiginnittaaseqarput. Taamaammat oqimaaqatigiissumik aaqqiissuteqartariaqarpugut, tamannalu isumaqatigiissutip oqaasertaani ersersilluarneqartoq isumaqarpunga, Politiken naapertorlugu taama oqarpoq.
Kimikitsoq
Suliniaqatigiiffiilli WWF-p Greenpeacellu isumaqatigiissut pakatsinartippaat, Canadap USA-llu qaammat kingulleq isumaqatigiissutaannut naleqqiullugu annikinnerungaatsiarnera pissutigalugu.
Aamma atuaruk WWF: Nunarput silap pissusaa pillugu nalunaarummik nassitsisimasariaqaraluarpoq
Greenpeacep isumaqatigiissut imakinnerarpaa nunarsuarlu tamakkerlugu pinngortitaq pillugu suliniaqatigiiffiup WWF-ip "Kimikitsutut" taallugu.