Ilisimatuut: Sila ajoraangat isumaluttarpugut
Taakku Facebookikkut Twitterikkullu allanneqartartut aallaavigalugit inuit isumagissaartarnerat misissorniarlugu aalajangersimavaat, misissuinerminnilu allattup sumiiffiani, silap qanoq innera, piffissami tassani misissortarsimavaat.
Misissuinerup inerneri ersaripput.
Sila ajunngila, nillerpa, kiappa, siallerpa qulisimavaluunniit taakku aallaavigalugit inuit nittartakkatigut attaveqaqatigiittarfinni allagaanni isumagissaarnersut takuneqarsinnaavoq.
Ilisimaatutut misissuisut siuttorisaata, Patrick Baylisip USA-mi illoqarfiit anginerit 75-it nakkutigai. Silallu pissusinut atatillugu misissugarpassuit, allakkat 3,5 milliardiusut, inunnit millionilinnit 2009-miit 2016-imut allagaapput.
Taakku silap qanoq innera isummatsinnut pingaaruteqarujussuusoq takutippaat. Misissuinerullu takutippaa peqqarniisaartoqartarnerani pinngortitamiluunniit ajunaarnersuaqartarnerani isumagissaarnitta qanoq inneratulli ittoq.
Tamanna immaqa ilisimareerparput, ilimatuussutsikkulli maanna uppernarsineqarpoq.