Sikuiuitsumi kujallermi nannumik siumuisoqartoq

Ilisimatuut USA-meersut Sikuiuitsumi kujallermi nannumik siumugaqarsimapput. Ilisimatuut arfineq-marluusut Graham Landip eqqaani nannumik siumugaqaramik takusartik upperisimanngikkaluarpaat.
Assi © : Pelo Pantón/Flickr Creative Commons
Allattoq Jonas Fievé
apriilip 01-at 2016 07:00
Nutserisoq Simon Uldum -

Nanoq nujuartupilussuusimavoq pualallunilu. Ilisimatuulli assiliniarlugu angumerinngitsoorsimavaat, tumersuili assilisinnaasimallugit.

Sikuiutsumi kujallermi nanoqalernerata malitsigisaanik ilisimatuut arlallit maanna siunnersuutigaat nannunik Nunatsinneersunik Sikuiutsumut kujallermut umiarsuarmik nussuisoqartariaqartoq, nannut silap pissusiata allanngoriartornera pissutigalugu Issittumi uumaniarneq ajornakusoortilersimammassuk.

Taama siunnersuuteqartoqarnera Inatsisartut upernaakkut ataatsimiinneranni akuerineqassappat, nannut containerit qerititsiviit immikkut saneqarsimasut atorlugit Sikuiuitsumut kujallermut umiarsuarmik nuunneqartalissapput.  

Tamannali aappaagu apriilip aallaqqaataata kingorna aatsaat pisinnaalissaaq.