Sikuiuitsumi kujallermi iluliapiluunersuaq kaanngariartortoq

Sikuiuitsumi kujallermi iluliapiluunersuaq naalagaaffiup Luxembourgip marloriaataatut angitigingajattoq kaanngarsimavoq ungasinngitsukkullu Sikuiuitsup kujalliup imartaaniilerumaartoq, tuluit nutaarsiassaqartitsiviat BBC taama allappoq.
Sermermi Larsen C-mi qupparujussuaq Assi © : Stuart Rankin/Flickr Creative Commons
Allattoq Jonas Fievé
januaarip 09-at 2017 06:24
Nutserisoq Erna Lynge

Sermimit Larsen C-mik taaguutilimmiit iluliarsuaq kaanngariartorpoq.

Assi © : Erik de Haan/Flickr Creative Commons
Assiliisoq: Erik de Haan/Flickr Creative Commons

Swansea Universitetimi ilisimatuut sermeq Larsen C-mik taaguutilik 350 meterisullu issutigisoq nakkutigiuarpaat. Taakku decembarimi malugivaat sermimi quppaq sukkasuumik alliartulersimasoq, kaanngannginnerminilu taamaallaat 20 kilometerinik ataneqalersimasoq.

BBC naapertorlugu ilisimatuut naatsorsuutigivaat iluliarsuaq qaammatit arlaqanngitsut qaangiuppata kaanngareersimassasoq.