Shell issittumi uuliasiornialerpoq
Uuliasiortitseqatigiiffissuaq, Shell, Alaskap Sibiariallu akornanniittumi Beringillu Imartaata avannaaniittumi, Tjukterit Imartaani uuliasiorluni qaammammi uani qillerilissaaq.
Allattoq Marianne Stenbæk, Montreal, Canada
juulip 05-at 2015 18:55
Umiarsuit 30-it qillerussuillu marluk, Polar Pioneer aamma Noble Discoverer, Tjukterit imataannukarlutik ulluni tulliuttuni aallartussaasut, aviisi Financial Times allappoq.
Pilersaarutaavoq qillerinerit qaammammi uani aallartissasut. Qillerinerillu siulliit marluk misiliutitut qillerinerusussaallutik.
Imartami uuliamik ujarlernerit ukiuni tulliuttuni marlunni pissapput, aningaasallu 20 milliarder koruunit missaanniittut atorneqarussatut, Shell-imit naatsorsuutigineqarpoq.
Shell-i uuliamik nassaassappat, uulia qaalorneqartoq aatsaat 2030-mi aningaasarsiutigineqarluni niuerutigineqarsinnaalissasoq, uulia pillugu ilisimatuut, aviisimut Financial Timesimut oqarput.
