Assi: Kommuneqarfik Sermersooq

Sermersuup timersortartunut efterskolissaq 700.000 koruuninik tapiiffigigaa

Kommuneqarfik Sermersooq Nuuk Idrætsefterskolep aallartisarneranut 700.000 koruuninik tapiissuteqarniarluni aalajangerpoq. Aallartisaaneq nammineq kajumissuseq aallaavigalugu peqatigiiffimmit suliniutigineqarpoq.

Nuuk Efterskolep siulittaasua, Finn L. Nielsen aamma Meeqqanut Atuarfinnullu Ingerlatsiviup pisortaa, Helene Broberg Berthelsen suleqatigiinnissamik isumaqatigiissut atsiorpaat,  tamatumalu kinguneraa peqatigiiffiup sulinera Kommuneqarfik Sermersuumit tapersersorneqartoq.

- Nunatsinni inuusuttut ilinniakkatigut periarfissaasa pitsanngorsarneqarnissaat sulissutigalutigu nammineq piumassuserput aallaavigalugu suliaqarpugut, Finn L. Nielsen oqarpoq,  nangillunilu - Nuuk Efterskolep piviusunngortinneqarnissaanut Kommuneqarfik Sermersuup suleqatigiinnissamik atsioqatiginera suliatta piviusunngortinneqarnissaanut alloriarneruvoq pingaaruteqarluartoq

Finn L. Nielsenip qulakkeerlugu oqaatigaa,  piginnaaneqartitsinerup suleqatigiissutigineqarnerata saniatigut, suliniutip piviusunngortinneqarnissaanut pilersaarusiortumik atorfinitsitsisoqassammat.

Kommuneqarfik Sermersuumi Meeqqanut Atuarfinnullu ataatsimiititap siulittaasuata, Nivi Olsenip (D), suleqatigiinnissamik atsioqatigiittoqarnera nuannaarutigaa

- Inuusuttortatta ilinniakkatigut amerlanernik neqeroorfigineqartarnissaat pingaaruteqarpoq. Taamaattumik inuusuttut ilinniagaqalerusussuseqalernissaannut nukittorsaatitut, Nuuk Idrætsefterskoletut ittut atorfissaqartilluarpavut, Nivi Olsen (D) oqarpoq.

Meeqqat atuarfiini annerni, tassa 9. aamma 10. klassini atuareersimasut ingerlariaqqinnerminni Nuuk Efterskolemi atuartuusinnaaneri pilersaarutaavoq

Naatsorsuutigineqarpoq Nuuk Idrætsefterskole aappaagu aggustimi 2018-imi aallartissasoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!