Sermersuup suliniutaanut qularnaveeqqusiinianngitsut
Nuummi sanaartornissamik suliniummut Siorarsiorfimmut Namminersorlutik Oqartussat aningaasatigut qularnaveeqqusiissanngillat.
Aningaasaqarnermut akileraartarnermullu naalakkersuisoq, Aqqaluaq B. Egede (IA), aviisimut Sermitsiamut taama ilisimatitsivoq, nittartagaq Sermitsiaq.AG taama allaaserisaqarpoq.
Kommuneqarfik Sermersuup taamaalilluni suliniut 4 aamma 5 milliardit koruuninik naleqassangatinneqartoq nammineerluni akilersortussaassavaa.
AAMMA ATUARUK Sermersuup Namminersorlutik Oqartussat utaqqikatakkaa
Suliniummi Siorarsiorfimmi inissiat 1600-t, atuarfiit marluk, sullorsualiaq, ulluunerani paaqqinnittarfiit arsaattarfissuarlu sanaartorniarneqarput.
Kommuneqarfik Sermersooq naapertorlugu, suliniut ilaatigut nunani avannarlerni aningaaserivinnit soraarnerussutisiaqalernissamullu aningaasaateqarfinnit aningaasalersorneqassaaq.
