Sermersuup annertuumik qaartiterinermik unitsitsineq aalajangiusimaannarpaa

Naluttarfiup igalaavi arfininngormat ujaqqamik aserorneqarmata ajutoorneq qanoq pisimanersoq paaseqqaartinnagu anginerusunik qaartitsisoqaqqissanngikkallartoq. Kommuneqarfik Sermersooq nittartakkamini taama allaaserisaqarpoq.

AAMMA ATUARUK Ujarassuaq naluttarfimmut tuttoq

AAMMA ATUARUK Naluttarfik eqqorneqarmat inuit tuparujussuartut

Taamaattoq akuersissummik pissarsiniaqqaarani minnerusunik qaartiterinerit ammaanneqarnissaat, Kommuneqarfik Sermersuumi sanaartornermut immikkoortortamit aalajangiunneqarpoq.

- Isumannaatsuuneq pingaarnerpaatinneqartoq erseqqissaassutigissallugu uannut pingaaruteqarpoq. Taamaattumik mianersortumik tamakkiisumillu qallersorsimasumik qaartiterineq akuerineqarpoq, Kommuneqarfik Sermersuumi sanaartornermut pisortaq, Rudi Birkedal, oqarpoq.

Akunnermi kingullermi ajutoornermi misissuinerit inerneri saqqummiunneqareeriarpata, annerusunik qaartitsinissanut najoqqutassat naliliiffigineqarumaarput.

AAMMA ATUARUK Qaartitsisoqarnerani naluttarfik eqqorneqartoq