Sermersooq utoqqaat angerlarsimaffiini ulloq unnuarlu ikiorsiilerniartoq

Kommuneqarfik Sermersuumi utoqqaat sullinneqarnerat pitsanngorsarniarneqalerpoq, utoqqaammi ulloq unnuarlu ikiorneqarsinnaanissaasa periarfissaalernissaa Inuit Ataqatigiit, Demokraatit Atassutillu isumaqatigiissutigaat. Kommuneqarfik Sermersooq tusagassiuutinut nalunaarummi taama ilaatigut allaaserisaqarpoq.
Assi © : KNR
Allattoq Jonas Fievé
aggustip 16-at 2017 13:25

Angerlarsimaffimmi ikiorteqartarneq Nuummi Tasiilamilu aallaqqaammut neqeroorutaassaaq, ukioq manna neqeroorutaalissalluni. Tamanna iluatsissappat angerlarsimaffimmmi ikiorteqartarnermut aaqqissuussineq Paamiuni aappaagu atuutilersussatut siunniunneqartoq, Kommuneqarfik Sermersuup nalunaarutigaa.

Inuti 65-init 99-it tungaannut ukiullit Kommuneqarfik Sermersuumi najugaqartut ukiut 20-t tulliuttut ingerlaneranni marloriaatinngorsimanissaat Kalaallit Nunaanni Naatsorsueqqissaartarfiup naatsorsuutigaa, utoqqaallu pitsaanerusumik siunissami atugassaqartinneqarnissaat ulloq unnuarlu ikiorteqarsinnaanissamut neqeroorutip annertusineqarnissaanut tunuliaqutaasoq kommunip oqaatigaa:

- Taamaaliornikkummi toqqissisimanartumik namminneq angerlarsimaffimminni innuttaasut naleqarluartumik utoqqaliartornissaat angorusupparput, Charlotte Ludvigsen, Kommuneqarfik Sermersuumi Isumaginninnermut Suliffeqarnermullu Ataatsimiititami siulittaasoq oqarpoq.
 

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq