Sermersooq iluamik aallarpoq
Naatsorsuutit kommunalbestyrelsip ataatsimiinnerani akuerineqartut kukkunersiuisunut maanna nassiunneqarput.
Aningaasartuutinik sukaterinerup kinguneranik 28 millionit koruunit sinneqartoorutigineqartut, borgmester Asii Chemnitz Narupip oqaatigaa. Ilaatigut atortussanik pisiniarnermi pisiassat 10.000 koruunit sinnerneqartillugit pisortap akuersiteqqaarneqartalernerat piumasaqaatit ilagaat, tamannalu 2014-ip qaammataanni kingullerni aningaasartuutikinnerulernermik kinguneqarluni.
Aamma atuaruk Inunnik isumaginninnermik suliallit sipaarniarnermi eqqugaassanngillat
Naak kommuni sanaartornermut siornamiit 50 millionit koruuninik amerlanernik atuinerugaluarluni aamma sanaartornissanut 170 millionit koruunit aningaasaliissutaareeraluartut, maannakkut sinneqartoorutit iluatsittumik pigiinnarneqarput.
- Kommuneqarfik Sermersuumut ukioq kingulleq oqimaassimavoq, imaannaanngitsunillu aalajangiisariaqarsimalluta. Iluaqutaasimanera iluarisimaarnarpoq, aningaasaqarnerpullu ajunngitsumut saakkiartortilerparput, borgmesteri Asii Chemnitz Narup oqarpoq.