Politikki

Savalimmiunut ataatsimoortumik tapiissutit ukiuni tulliuttuni pingasuni allannguuteqassanngitsut

Danmarkip Savalimmiormiunut ataatsimoortumik tapiissutai ukiuni tulliuttuni pingasuni allannguuteqaratik taamaaginnassapput. Ataatsimoortumik tapiissutit Savalimmiormiunit akerlianik isumaqatigiissutip atuunnerani nammineq ikilineqarsinnaapput tamanna nammineq kissaatigigunikku.

Allattoq Helle Nørrelund Sørensen

decembarip 14-at 2016 07:18

Nutserisoq Mads Lynge

Ataatsimoortumik tapiissutit Savalimmiormiunit akerlianik isumaqatigiissutip atuunnerani nammineq ikilineqarsinnaapput tamanna nammineq kissaatigigunikku.

Folketingip Lagtingillu isumaqatigiissutigisaanni, maanna suliarineqaleruttortumi, tamanna atuarneqarsinnaavoq. Savalimmiunut ataatsimoortumik tapiissutit aappaagu 2017-imit 2019 ilanngullugu ukiumut 641,8 millionit koruuniussapput.

Aamma atuaruk VIDEO Politikerip naalagaaffimmit tapiissutit qulinik ukiulimmut milutsitsinermut assersuutigigaa

Danmarkip koruuniata nalingata aningaasanut allanut naleqqiullugu allanngorarnera, akilluunniit alllanngorarnerat allatigulluunniit allanngorarnerit aallaavigalugit Savalimmiunut ataatsimoortumik tapiissutit allanngorassanngillat.

Isumaqatigiissusiortoqarnissaa Savalimmiormiut kissaatigisimavaat, isumaqatigiissusiallu Folketingimi aqagu akuersissutigineqarnissaa naatsorsuutigineqarpoq.