Savalimmiuni aalisarneq pillugu aaqqissuusseqqinnissaq akuersissutigineqartoq
Savalimmiuni naalakkersuisut aalisarneq pillugu aaqqissuusseqqinnissap nutaap ajornartorsiutaangaatsiarsimasup akuersissutigineqarnissaanut amerlanerussuteqartunit taperserneqarnissaq marlunngormat unnukkut iluatsippaat.
Lagtingimi inatsisissatut siunnersuut akuersissutigineqassappat akuersillutik taasisut 17-iusariarput, 18-illu akuersinerisigut 15-illu itigartitsinerisigut aaqqissuusseqqinnissap akuersissutigineqarnissaa iluatsinneqarpoq.
Aaqqissuusseqqinnissaq akuersissutigineqanngippat aalisagartassiissutigineqartut atorunnaarsinneqarsimassagaluarput pisortanullu januaarip aallaqqaataani utertinneqarlutik.
AAMMA ATUARUK Lagtingip aalisarneq pillugu aaqqissuusseqqinnissaq aalajangiiffigissavaa
Savalimmiuni naalakkersuisut aaqqissuusseqqinnissap amerlanerussuteqartunit akuersissutigineqarnissaa sapaatit akunnerini kingullerni ajornartorsiutigisimavaat. Siullermik partiimi naalakkersuisuutitaqartumi socialdemokratiskiusumi isumaqatigiinngissutigineqarpoq kingornalu partii naalakkersuisuutitaqartoq alla, Framsókn, qanoq taasissanersoq aamma nalornissutigineqalerluni.
Aalisarnerli pillugu aaqqissuusseqqinnissap akuersissutigineqarneratigut Savalimmiuni naalakkersuisut sapaatit akunnerini kingullerni ilungersunartorsiornertik qaangerpaat, Savalimmiuni Kringvarp Føroyami tusagassiortoq Beinta Løwe KNR-imut ippassaq marlunngornermi taama oqarpoq.
- Aap, taama oqartariaqarpunga, matumanimi suliaq naalakkersuisunut pingaaruteqarnerpaasoq akuersissutigineqassappat naalakkersuinikkut ilungersunartorsiorneq qaangerneqassaaq aalisarnerlu pillugu aaqqissuusseqqinneq ukiortaamit atuuttussanngortinneqarluni, Beinta Løwe Kringvarp Føroyameersoq taama oqarpoq.
AAMMA ATUARUK Aalisarnermi aaqqissuusseqqinneq ajutooqqajaavoq
AAMMA ATUARUK Regeringskrise på Færøerne