Savalimmiormiu Folketingimit sulinngiffeqalersoq
Tamanna pivoq politikeri republikanerit partiianit Tjódveldimeersoq Magni Arge Savalimmiormiut lagtingiini inissisimaffini sammineruniarlugu Folketingimit sulinngiffeqarallartussanngormat.
Taanna Torbjørn Jacobsenimit Savalimmiuni Runivíkar Kommunimi ullumikkut borgmesteriusumit taarserneqassaaq.
TjódveldimiFolketingimi sinniisussamik nassaarniarneq Tjódveldimut imaannaasimanngilaq, Torbjørn Jacobsenimi sinniisussat arferngattut inissisimavoq. Sinniisussat allat Lagtingimi ilaasortaanngikkunik Savalimmiut naalakkersuisuini naalakkersuisuupput.
Torbjørn Jacobsen siornatigut Lagtingimi ilaasortaasimavoq ilaatigullu aalisarnermut naalakkersuisuusimalluni, aamma Folketingimut arlaleriarluni sinniisuusarsimavoq.
Magni Arge Folketingimit sulinngiffeqarallarnermini Lagtingimiissasoq, nutaarsiassaqartitsivik Det Færøske Nyhedsbureau taama allaaserisaqarpoq.
Sulinngiffeqarnera arfininngorpat oktobarip 15-iani aallartissaaq.