Savalimmiormiut qimaasunik tikilluaqqusisinnaanngikkallarput
Qimaasut 60-it Savalimmiunukarsinnaasussatut naatsorsuutigineqaraluartut Savalimmiunukarsinnaassanngillat.
- Qimaasut taama amerlatigisut ataatsikkut tikilluaqqusinnaanngilagut, Savalimmiuni naalakkersuisut siulittaasuat Kaj Leo Holm Johannesen taama DR-imut taama oqarpoq.
Inunnik isumaginninnermut suliamut atatillugu taama annertutigisumut Savalimmiormiut piareersimanngitsut taassuma ilanngullugu oqaatigaa.
Savalimmiormiut qimaasunut atatillugu oqallinnermut ilanngunnissaannut Kaj Leo Holm Johannesen ukiortaami oqalugiarnermi kajumissaaruteqarpoq:
- Qimaasut pillugit annerusumik oqallittoqarnissaa anguniarlugu ukiortaami oqalugiarninni ilannguppakka. Iluatsipporlumi, qimaasullu pillugit politikkikkut oqallittoqarnerunissaanut maanna tunngavissaqalerpugut, Kaj Leo Holm Johannesen, Danmarkip Radioanut oqarpoq.
Qimaasut 60-it tikillugit Savalimmiumut tikilluaqquneqarsinnaanissaat oqallisigineqarsimagaluartoq, Savalimmiunili inuiaqatigiit ikittuinnaanerat eqqarsaatigalugu qimaasut taama amerlatigisut ataatsikkut tikilluaqquneqarsinnaassanngitsut aamma nassuerutigisimagitsik.
Qimaasunillu tassa Savalimmiunut maannangaaq tikilluaqqusisoqarallassanngilaq, Naalakkersuisulli siulittaasuata periarfissaq tamanna suli ammatippaa:
- Inuiaqatigiiuvugut aningaasaateqarluartut, nunanillu ikiorserneqartariaqakkanik ikiorsiisinnaanissarput pillugu oqallittariaqarpugut, Savalimmiuni naalakkersuisut siulittaasuat Kaj Leo Holm Johannesen, DR-imit apersorneqartilluni ilaatigut oqarpoq.