Savage Rose Nunatsinnukalerput
Nipilersoqatigiit Savage Rose-kkkut nuusiartik "Love and Freedom" septemberip qulingat saqqummersippaat. Tamatuma kingorna tusarnaartitsisaqattaarluni angalaneq Nunatsinni aallarnerneqassaaq.
Savage Rose kulturikkut illorsuarmi Katuami tusarnaartitsissapput tallimanngorneq oktoberip tallimaat Ilulissanilu kulturip illorsuani Sermermiuni arfininngorneq oktoberip arfernat aamma tusarnaartitsissallutik.
Anisette Koppel Savage Rose-kkunni ruusatut nujuartartut taaneqarsinnaavoq pikkunavissumillu erinaqarluni. Nunatsinni angalasarnerit saniatigut Libanonimi qimaasut tammaarsimaffianni aamma tusarnaartitsisimapput. Nipilersorneq aqqutigalugu inuppassuit qanimut attavigilertarpaat. Kalaallinillumi naapitsinerup kingorna erinarsuut "Inuit Nunaat" pilersippaat.
Anisette Koppel uigigaluanilu Thomas Koppel Savage Rosemik pilersitsisuupput. Thomas Koppel siusikkaluamik 2006-mi toqukkut qimaguppoq.
Tamannali sioqqullugu arlaleriarlutik nunatsinniittarsimapput aammalu Katuami tusarnaartitsisimallutik panitsik Naja Koppel tulleertoralugu. Taanna atsersimavaat kalaaleq ilisarisimalersimasartik atsiullugu.
Nuummi Ilulissanilu tusarnaartitsinerup kingorna Norgemi Danmarkimilu tusarnaartitseqattaarlutik angalassapput.
