Inuussutissarsiutit

VIDEO Savaateqarneq ukiut 100-nngortorsiortoq

Ukiut 100-nngorput kujataanut Islandimit savat siulliit nunalisinneqarnerannit, tassalu nunatsinni savaateqarnerup inuussutissarsiutitut ilumoortumik pilersinneqarneranit. Savaatillit Peqatigiiffiit Suleqatigiissut juulip pingajuani ataatsimeersuarnerannut atatillugu tamanna nalliuttorsiutigineqarpoq.

Allattoq Sika Frederiksen, Camilla Dam, Tikaajaat Kristensen

juulip 06-at 2015 16:39

Ukiorparujussuarni savaateqarnerup ingerlanerani ilaqutariittut ikioqatigiilluarnissaq savaatillit arnartaasa ilisimaarivaat. Pingaaruteqarpormi.

- Kingornussillutik aallartikkaangamik imaannaanngittorujussuuvoq, imaanngilaq oqittuaqqamik ingerlasut, oqimaappoq.

- Una pingaarnerpaavoq, tassami savaatilittut inuuniassagaanni, imminut tunniusimalluarnissaq. Tunniusimalluanngikkutta erngiinaq katataasinnaagatta, Martha Egede Illorsuarneersoq KNR-imut oqarpoq.

Aamma atuaruk Savaatillik ernumasut

Ukiut ilaanni suliassat annertusinnaasarput.

- Taamanikkut aallartissimasut eqqarsaatigalugit qanoq piumassuseqarsimatiginerat eqqaavarput aamma, Makka Nielsen Kangerluarsorujummeersoq KNR-imut oqarpoq.

Imaannaanngeqaarmi inuussutissarsiut.

- Suliaqarnarneroqaaq ukioq manna aamma oqimaatsineroqaaq, tassa aputeqarujussuarnera taavalu qiianarujussuarluni isserujussuarnera taanna malunnaqaaq, Ellen Frederiksen Qassiarsummeersoq KNR-imut oqarpoq.

Nalliuttorsiornermi Kommune Kujallermi borgmesteri Jørgen Wæver Johansen oqalugiarpoq, oqalugiaataalu uani atuarsinnaavat.

Aamma atuaruk Savaatillit aatsitassarsiornissaq pillugu tikinneqarlutik paasitinneqarusuttut

Naatsorsueqqissaartarfiup kisitsisaatai naapertorlugit Nunatsinni savaatillit 49-ruupput. Amerlanersaalu Narsap eqqaaniillutik, sinneri Nanortallup Qaqortullu akornaniittut.