SAS-ip timmisartorsua Kangerlussuarmut mittariaqalersoq
SAS-imi tusagassiisartoq Anna Nielsen taama ilisimatitsivoq.
- Timmisartup iluani silaannaq pujorsunnilersimavoq, taamaammat timmisartup naalagaa aalajangerpoq timmisartorneq unitsinneqassasoq. Isumannaallisaanermilu periusissavut naapertorlugit taama pivoq, nutaarsiassaqartitsivimmut Ritzaumut taama oqarpoq.
Timmisartorsuarlu ajornaquteqanngitsumik missimavoq aamma erseqqissaatigaa.
- Kingorna paasineqarpoq pujorsunni kaffiliuummit kortsluttersimasumeersuunissaa ilimanartoq.
Ilaasut 159-iusut inuttallu quliusut Kangerlussuarmi akunnittarfimmut inissinneqarput.
- Timmisartorsuaq ullaaq manna aallaqqissaaq misissuisoqaqqaassaarli. Sivisusinnaavoq isumannaallisaanerli uatsinnut pingaartuuvoq, tusagassiisartoq taama oqarpoq.
Timmisartorsuaq tassaasoq Airbus 330-300 Stockholmimit aallarnerminit nalunaaquttap akunneri marlussuit ingerlareersut nalunaaqutaq 17.51 Kangerlussuarmut mippoq.