Sapaassuarmi Katuami tusarnaartitsissapput
Erinarsoqatigiit Qissiat aamma Qupannavaat nipilersortartut allat peqatigalugit ataasiakkaarlutik imaluunniit allanik peqateqarlutik tusarnaartitsissapput.
Nipilersornerit Titken Jacobsenimit Jim Milnemillu aaqqissuunneqarput, namminnerlumi aamma saxofon aamma pattagiaq atorlugu peqataassapput.
Arnannguaq Gerstrøm sanimoortarissamik qarlortaaserluni tusarnaartitsinermut aamma peqataassaaq, soorlu aamma Sofi Eik erinarsorlunilu aqutsisuussasoq.
Tusarnaartitsinermi ataqatigiissaarisuuvoq Alexander Montgomery-Andersen. Tusarnaartitsinissamut Hans Lynge-p inersuani pisussamut inissaqarnissat qulakkeerniarukku maannangaaq bilitsisinaanngoreerputit.