Assi: Flickr.com / European People's Party

Tyskland Sapaammi qinersinissaq pissaanngatigineqarpoq

Tysklandimi inatsisartunut aqagu sapaammi qinersisoqartussaavoq, qinersisartullu pingajorarterutaasa missaat kikkut qinissanerlugit suli nalornisigivaat. Tuluit nutaarsiassaqartitsiviat Reuters taama allaaserisaqarpoq.

Qinersinissaminnut nalornisut qinersiartornissaat, Tysklandip forbundskansleriata Angela Merkelip qinequsaarnerup ulluisa kingullersaanni taamaammat sukataarutiginiarpaa.

Merkelip partiiata CDU-p 34 aamma 35 procentit akornannit qinerneqarnissaa ilimanartoq inunnik isumasiuinerit takutippaat, naalakkersuisuutitaqarnertillu taamaalinikkut suli attassinnaassallugu.

Socialdemokratit SPD Martin Schulz siuttoralugu 21 aamma 22 procentit akornannit taaguunneqarnissaat ilimagineqarpoq.

Partii Tysklandimi nunasiartortunik isorinnittoq Alternative für Deutschland, AfD, qinersinermi angusarissaartussatut isikkoqarpoq tamannalu pissanngatigineqaqaluni. Partiimmi taassuma partiit akornanni annerit pingajuattut inissisimalersinnaanissaa ilimagineqarpoq.

Angela Merkelip Martin Schulzillu AfD-mik taasiniartut partiimik allamik qinersinissaat aamma sukataarutigaat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!