Sandgreenip qaaqqusaasimannginneq tunngavilersuutigaa

Enok Sandgreen, Qaasuitsoq Kujallermi suleqatigiinnissamik isumaqatigiinniartoqarnerani qaaqqusaasimannginnini tunngavilersuutigalugu, Siumup gruppianiinnianngilaq.

Naak Siumut tamakkiisumik ilaasortaanissamik partiimi siulittaasuata erseqqissumik nalunaaqqugaluaraani, Enok Sandgreen Qaasuitsup Kujasissuani ikaarsaariarnermut ataatsimiititaliami Siumup gruppiani peqataaniannginnini aalajangiusimavaa. 

Siumumi ilasortaanini aamma suli attappaa.

Siumup aamma Inuit Ataqatigiit Enok Sandgreen pinnagu Inuit Ataqatiinneersoq, qinersinermilu taaguunneqarnerpaaq, Ane Hansen borgmesterissatut toqqarpaat.

Enok Sandgreenip suleqataaniannginnerminut, Inuit Ataqatigiit Siumullu ikaarsaariarnermi ataatsimiititaliami suleqatigiinnissamik isumaqatigiinniarneranni qaaqqusaasimannginnini tunngavilersuutigigaa, Qaasuitsoq Kujallermi Siumumi siulittaasoq, Jakob Ludvigsen, KNR-imut nassuiaavoq:

- Taanna isumaqarpoq, Siumut Inuit Ataqatigiillu isumaqatigiissutaat unioqqutitsinerusoq. Enok Sandgreen matumani qaaqquneqarsimanngilaq, taamaasilluni isumaqatigiinniarnerni peqataanani, Jakob Ludvigsen KNR-imut oqarpoq.

Pingaarnertulli tunngavilersuutini uppernarsarsinnaanngilaa, qaaqqusaasimanerlunimi qaaqqusaasimannginnerluniluunniit naluaa. 

- Allamut nooqqammeerpugut, mailikkut allagarsiakka suli atuanngilakka ataatsimiigiarnissamullu qaaqqusissutinik nassitsissimanersunga suli paasinngilara, Enok Sandgreen KNR-imut oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!