Sanders ajugaaqqippoq
USA-mi præsidentinngorniussaq sioqqullugu naalagaaffimmi West Virgianiami qinersisoqarmat Demokraatit sassartitaat Bernie Sander ajugaavoq, unammillertaa Hilary Clinton ajorsartoq, amerikami tugasagassiorfiit arlaqartut taama allaaserisaqarput.
Allattoq Ritzau
maajip 11-at 2016 10:08
Nutserisoq Jaaku Lyberth
Tusagassiorfiit MSNBC, Fox News aama CNN naalagaaffimmi West Virginiami 74-nik ukiullip Sandersip ajugaanera suaarutigivaat,
Demokraatit sinnerlugit qinigassartittut naligiissimapput akunnerillu arlaqartut qaanngiummata Sandersip ajugaanera tusagassiorfinnit suaarutigineqarpoq.
Rebublikanerit sassartitaat Donald Trump kisiartaalluni naalagaaffinni West Virginimi aamma Nebraskami qinigassanngortippoq, Nebraskami republikanerit kisimik qinersillutik.
Sanders West Virginiami ajugaagaluartoq unammillertaa Hillary Clinton Demokraatit præsidentitut sassartitassaanni siuttuuvoq. USA-mi præsidentimut qinersisoqassaaq novemberip ulluisa arfineq pingajuanni.
