Saligaatsoq Nuuk iluatsitsiffiulluartoq
Ulloq kulturikkut illorsuarmi Katuami aallartippoq, ilaqutariinnermullu inatsisinillu atortitsinermut naalakkersuisup Martha Lund Olsenip aamma pisortap Preben Kold Larsenip takkuttoqarluarnera nuannaarutiginerarpaat, saleeqatigiinnissamillu aallartitsisuusup Mads Lumholtip eqimattakkuutaarlutik illoqarfimmi saliisussat erinarsorfigai.
Illoqarfinni avatangiiserisaanillu saliineq Saligaatsoq soqutigineqarluarpoq
Saligaatsoq, ulloq saliiffik, CSR Greenlandimit aaqqissugaavoq, ukiormannalu Namminersorlutik Oqartussat, Kommuneqarfik Sermersooq aamma Qeqqata Kommunia qanittumik suleqatigineqarput.
Qaqortumi aamma innuttaasut ippassaq saliipput. Sisimiunilu aqagu saliisoqassaaq kiisalu Ini nuna tamakkerlugu juunip ulluisa arfineq-aappaani saliititsissalluni.
