TALLIMANNGORNERSIUTISSAQ Sakkutuut iluatiguunik issittumiissutissanik misileraasut
Sakkutuut nunasiortut issittumi sungiusartutOksbølimut taarsiullugu issittumi aputilissuarmiippugut, sakkutuullu nunarsiortut Garderhusarregimentimeersut Tunup avannaarsuani sungiusarnermut Arctic Responsemut peqataapput.
Posted by Hæren on 7. oktober 2015
Sakkutuut aallartitaasut affaat toqqinik sinngup puuinillu -50-imik issitsigisumi atugassianik nassarput, sinnerilu Danmarkimi atortorissaarutit nalinginnaasut nassarlugit.
Mestersvigimilu silarlunnerata sungiusarneq piviusorpalaartippaa, seqinnarillunimi anoreqanngeriarluni nittaalluni silarluttupilussuanngorpoq. Tamannalu sakkutuunut soorunami ilungersortitsivoq, ingammik danskit atortorissaarutaanik nalinginnaasunik nassartunut.
- Qanoq sulinissatsinnut maani silap qanoq-innera apeqqutaasupilussuuvoq. Ullumikkut nittaattupilussuuvoq nalunaaquttallu akunneri 14-20-t missaanni sinippugut. Ullormut nalunaaquttap akunneri marlussuinnaat suliaqartoqarsinnaavoq, silami taamaatsillugu sulisoqarsinnaanngilaq, gardehusarregimentimi sergenti gruppeførilu Martin Jardrup taama oqarpoq.
Sakkutuut sungiusarnertik qanoq igineraat Illersornissaqarfiup videoliaani qulaaniittumi isiginnaarneqarsinnaavoq. Aammattaaq videot allat Issittumi Sakkutooqarfiup Facebookimi quppernerani isiginnaarneqarsinnaapput
Tallimanngornersiutissamik piukkussaqaruit, uunga allaffigisinnaavatsigut webredaktion@knr.gl.