Danskit aallartitaat: Saassussineq franskit qinersineranni nikallungatitsisoq
Frankrigimiut præsidentimut qinersinerup immikkoortuanut siullermut sapaammi qinersipput. Tamanna pivoq, Frankrigimi saassusseqqittoqarneranit ullualunnguit qaangiuttut, ukiorlu ataaseq sinnerlugu sukannersumik naalakkersuisoqareersoq.
Pisullu ullormi qinersiffimmi nikallungassutigineqartut malugineqarsinnaasoq, Danmarkip Frankrigimi aallartitaata Kirsten Malling Bieringip oqaatigaa.
- Qineqqusaarneq arlalitsigut nalinginnaasuunngilaq. Frankrigimilu sukannersumik naalakkersuisoqartillugu oqaluttuarisaanermi nutaajunerusumi qineqqusaartoqarpoq, Kirsten Malling Biering oqarpoq.
Politiit 50.000-it sakkutuullu 7000-it nuna tamakkerlugu qinersiffinni 67.000-ini nakkutilliipput.
Reuters naapertorlugu qinersisinnaatitaasut 47 millionit 28,54 procentii qinersiffiit ammarnerannit akunnerit sisamat ingerlareersut taaguussereerput. Taamaasillunilu 2012-mut qinersinermi 28,29 procentit taamaalinerani qinersinerannut naleqqiullugu amerlanerulaarput.
