Hans EnoksenAssi: KNR

Saarullittassiinerup saarullinniartarneq aarlerinartorsiortissinnaagaa

Saarullittassat amerlassusaat aalajangerneqarpoq. Pisassiissutit biologit Pinngortitaleriffiup allallu innersuussutaasa pingasoriaatigaat.

Biologit ilaasa nassuiarpaa tamanna aalisarnermut kinguneqarnerlorujussuarsinnaasoq, piffissallu ilaani saarulleerutivilluni.

- Aalisarpallaaraanni sinerissap qanittuani suffisartut nungusarneqalissasut, Helle Siegstad oqarpoq. Taanna biologiuvoq Pinngortitaleriffimmilu aalisakkanut qalerualinnullu immikkoortumi pisortaalluni.

Oqaluttuarpoq saarulleqatigiit kangerlunniittut assigiinngitsut marluusut:

- Kangerlunni saarulleqarpoq suffisartunik aammalu avataaneersunik.

Aalisarnermut naalakkersuisoq Hans Enoksen siornatigut oqarnikuuvoq aalisartut tusaaniarumallugit saarulliillu ikiliartulernissaat aarleqqutiginagu - ima nipilimmik biologit Pinngortitaleriffimmiittut kukkusumik innersuussisarnerarlugit.

AAMMA ATUARUK Pisassiissutit amerlavallaarpata aalisarneq innarlerneqarsinnaavoq

Tamatumunnga Helle Siegstad nassuiaavoq Pinngortitaleriffimmiit kangerluit Nuummi Sisimiunilu misissuiffigisimagitik, kilisaallu Paamiut atorlugu ilaatigut Qeqeqertarsuup tunuani misissuisimallutik.

Misissuinerit tamakku inerneri,  sinerissamilu tamarmit aalisarnermit paasissutissat Pinngortitaleriffiup paasissutissaatigisai ataqatigiissikkaanni biologit sinerissamit tamarmit saarulleqassusianik paasissutissaataat tatiginartupilussuusut, Helle Siegstadip nalilerpaa.

Taanna naapertorlugu misissuinerit ersersitaat tassaavoq saarulleeqqat ukiuni kingullerni ikilisimanerat.

- Saarullittassat taama qaffasitsigitinniaraanni piffissap ilaani saarulleeruteratarsinnaasoq, Helle Siegstad taama oqarpoq.

AAMMA ATUARUK Fiskernes erfaringer vigtigere end anbefalinger

 

 

 

 

 

Isummersuutit

Inatsisartut Upernaakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!