Assi: KNR

Michael Rosing: Saarullittassiinermi siunissaq ungasinnerusoq eqqarsaatigineqanngilaq

2017-imut saarullittassat amerlassusissaat Naalakkersuisunit sisamanngormat aalajangerneqarmata, pisassiissutigineqartut innersuussutigineqartunit 24.000 tonsinik amerlanerupput. Tamanna Demokraatinit isornartorsiorneqarpoq.

Biologit innersuussutaanniit pingasoriaammik saarullittassiisoqarnera ingerlatsinerlunnerusoq, siunissarlu ungasinnerusoq eqqarsaatigineqanngitsoq Demokraatineersoq Michael Rosing isumaqarpoq.

- Ernumanartoqartippara, siunissarmi ungasinnerusoq eqqarsaatigineqanngilaq, sinerissap qanittuani saarullittassiissutit 36.500 tonsiussasut Naalakkersuisunit aalajangerneqarnerata kingorna Demokraatineersoq Michael Rosing oqarpoq.

24.000 tonsinik amerlanerusut

Taamaasillunilu biologit pisassiissutissatut innersuussutaannit 12.379 tonsinit, 24.000 tonsinik amerlanernik saarullittassiisoqarpoq.

Taama aalajangertoqarnera  Michael Rosingip erseqqissumik isummerfigaa.

 - Qinersisartut iluarisaannik aalajangiisoqarnera tassuuna takutinneqarpoq, sukkanerpaamik saarulittoqarnissaq anguniarneqarluni, siunissarlu ungasinnerusoq aamma kinguaariit tulliit eqqarsaatigineqarnatik. Tassami aamma siunissami aalisarsinnaanissarput kissaatigaarput, Michael Rosing oqarpoq.

AAMMA ATUARUK Aalisartut misilittagaat biologit innersuussutaannit pingaarnerupput

Ingerlatsinerlunnermik taagaa

Michael Rosing  pisassiissutissiineq ingerlatsinerlunnermik taavaa, taassumami isumaa naapertorlugu innersuussutigineqartunit aalisarneruneq siunissami aalisarsinnaanissamut qulakkeerinnerunngimmat.

- Pisassiissutigineqartunit ikinnerusunik aalisarneq imminut akilersinnaaneruvoq, siunissarlu ungasinnerusoq eqqarsaatigalugu akisussaassuseqarnerulluni. Isumaqarpunga ajorluinnartumik ingerlatsisoqartoq, Michael Rosing oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!