Saarullippassuaqarnera Royal Greenlandimut unammillernarpoq
Royal Greenlandip nittartagaani tamanna atuarneqarsinnaavoq.
Tunisassiorfimmi aqutsisut aalisartut sinniisaannik peqateqarlutik umiatsiaararsorlutik aalisartut 30-t missaat aalisariutillu tallimat killilimmik tunisisinnaalernissaat Royal Greenlandimi aqutsisut pilersaarusiorpaat.
Aamma atuaruk Nuummi bundgarnersorluni aalisarneq ukioq manna aallartiaarpoq
- Nioqqutissiassanik igitsisariaqalerumanata aalisartut nalunaarfigaavut tunisineq unikkallartariaqarmat bundgarninik amoorereersimanngikkunik ammoreqqunagit, Sisimiuni Royal Greenlandip tunisassiorfiani tunisinermi aqutsisoq Lars Berthelsen oqarpoq, nangillunilu:
- Sarfannguit eqqaanni saarullippassuaqarpoq. Aalisartut Sisimiuni tunisassiorfimmut aammalu Sarfannguanut pisaminnik annertuumik tunisisarput, taamaatttumillu aamma Sarfannguani tunisineq killilersorneqalereerpoq. Aalisartut aalisarluarput annertuunillu tunisisarlutik, taamaattumik saarulliit nerpiinik saarullinnillu qerititserilluta tunisassiornerput angummassinnaanngimmat saarullinnik tunisineq unitsikkallartariaqarparput, Lars Berthelsen oqarpoq.
Aaqqiissutaasinnaasumik ujartuilluni aalisartut killilimmik tunisisinnaalernissaat pilersaarusiorneqartoq nalunaarutigineqarpoq, aalisartut Sisimiuni Sarfannguanilu tunisassiorfinnut killilimmik tunisinnaalernissaat pillugu pilersaarusiortoqarnissaa pillugu aqagu sapaammi ataatsimiittoqassalluni.
Aamma atuaruk Sikunnginnera aalisakkanik tunisassiornermut iluaqutaasoq
Royal Greenlandip Sisimiuni tunisassiorfia raajanik, saattuanik nipisallu suaannik tunitsiviusartup saarullinnik tunisassiornermi paarlagiiaannik sulisunik marlunnik pilersitsinissamut maannakkorpiaq sulisussaaleqivoq.
Aamma atuaruk Aalisarneq iluanaarutaavoq