Russit timmisartui qaartartunik nakkaatitsisartut Alaskap eqqaani timmisut
Russit timmisartui qaartartunik nakkaatitsisartut Alaskap eqqaani timmisalersimapput. Timmisartut qaartartunik nakkaatitsisartut TU-95 Bearimik taaguuteqartuusut paasineqarsimavoq.
Timmisartut marluk sapaatit akunnerata aallartinnerani takuneqarput, amerlanerillu maannamut takuneqareerlutik. Timmisartut qaartartunik nakkaatitsisartut katillugit sisamaapput. Timmisartut USA-p Ruslandillu akornanni nunat tamalaat silaannartaaniiginnarput, Alaskalli sineriaa sinerlugu ingerlagamik Alaskap silaannartaata killeqarfia tikillugu ingerlasarlutik.
AAMMA ATUARUK Ruslandip Naalagaaffeqatigiit killeqarfiit pillugit isumaqatigiinniaqatigerusukkai
Qaartartunik nakkakaatitsisartunik tassaniittoqartoq russit illersornissamut ministereqarfiannit CNN TV-mut oqartoqarpoq, amerikamiulli silaannartaanukanngilluinnartut erseqqissarneqarluni.
Timmisartut Alaskap eqqaannukartalernerannut suna pissutaanersoq russinit amerikiamiunilluunniit nassuiaatigineqanngilaq.
Russit præsidentiata, Vladimir Putinip, issittumut periusissiaanut nutaamut attuumassuseqarsinnaasoq CNN TV isumaqarpoq.