ASSIT Russit timmisartuat Nunatsiniittoq
Russit sakkutuuvisa timmisartuat sapaatip-akunnerani kingullermi Kalaallit Nunaata silaannartaani ingerlaarpoq, nunap atortulersugaanera sakkutuullu atortuinik assiliiartorluni.
Russit timmisartuata Kalaallit Nunaata silaannartaani ingerlaarneranut pissutaavoq, nunat tamat isumannaallisaanermut suleqatigiinnerannut OSCE-mik taaguuteqartumut 1992-mi atuutilersinneqartumut attuummassuteqartoq, isumaqatigiissuteqarnermi Open Skiesimi Danmark, Rusland aamma USA peqataapput.
Isumaqatigiissuteqarnermi nunat isumaqatigiissuteqartut timmisartumit assiliisaqattaarsinnaapput alapernaarsuillutillu.
Taamaaliornikkut nunat imminnut tatiginerat annertunerulersinneqassaaq, Europamilu isumannaallisaaneq annertunerulersillugu.
Periarfissaq tamanna russit timmisartortartuisa sapaatip-akunnerani kingullermi atorpaat, sisamariarlutik nunarput qulaavaallugu timmisartoramik, timmisartumik ingerlaarneranni qallunaanik ingerlaqateqarput taamaatullu amerikamiut nakkutilliisuutitaat aamma ilaavoq.
Russit sakkutuuviisa timmisartuat siullermeerluni nunarput qulaallugu ingerlaarpoq 2012-imi.
