Ritzau Politikki Nunanit allanit

Ruslandip USA mianersoqqugaa

USA-p Ruslandillu nunanut allanut ministerii isumaqatigiinngikkaluarlutik ajornartorsiutit ammasumik oqaloqatigiissutigineqarnissaat neriorsuutigaat.
Ruslandip nunanut allanut ministeria, Sergej Lavrov Assi © : The Ministry of Foreign Affairs of the Russian Federation
Allattoq Ritzau
apriilip 12-at 2017 08:03

Ruslandip nunanut allanut ministeriata, Sergej Lavrovip, USA-p nunanut allanut ministerianik, Rex Tillersonimik, ataatsimeeqateqarnermini oqaatigaa USA-p Syriamut saassusseqqinnginnissaa pingaaruteqartoq.

Syriami sakkutuut timmisartoqarfiat USA-p rakettit Tomahawkit 59-it atorlugit sapaatit-akunnerata siuliani saassuppaa. Saassussineq Syriami sakkutuut nunap avannarpasissortaani pikitsitsiniat aqutaanni qaartartut akoorutissartallit atorlugit saassussinerannut inuit 70-it toqutaaffigisaannut akiniaaneruvoq.

Amerikamiut saassussinerat naalagaaffiit innuttanut pisussaaffiinik unioqqutsitsinertut Lavrovip taavaa.

Nunanulli allanut ministerit neriorsuutigaat isumaqatigiinngissutigisatik ammasumik toqqaannartumillu oqaloqatigiissutiginiarlugit.

/ritzau/AFP

Aamma atuaruk

Ritzau

Ukraine: Illersornissaqarfitta russit timmisartuat qaartartunik usisartoq eqqorlugulu aserorpaat

Ritzau

EU-p siuttuisa Israelip aaqqiagiinngissutsinik sakkortusiartortitsinnginnissaanik kaammattoraat

Ritzau

Kangia Qiterlermi illoqarfissuarmi Dubaimi siallingaatsiartoq