Rusland OL-imut peqataasinnaasoq
Timersortartut Russit qaammatip tulliani Riomi OL-ertoqarnissaanut ilaasinnaasut, Nunat tamalaat OL-imut ataatsimiititaliaata, IOC-p, aalajangerpaa.
IOC taama nalunaarpoq.
Russilli timersortartut arlallit OL-imut suli peqataanngitsoorsinnaapput.
Timersornermut kattuffiit ataasiakkaat Russinik ilaatitsinnginnissamut periarfissaqarnissaat IOC-p ammatippaa.
Assersuutigalugu Ruslandimi nukkassaatit inerteqqutaasut atorneqarnerujussui paasineqareersut nunat tamalaani atletikkertartut kattuffiat russit atletikkertartut peqataatinneqannginnissaannik aalajangerpoq.
Nunat tamalaat nukkassaatinik inerteqqutinik akiuiniaqatigiiffiat timersortartut russit nunani tamalaani timersornermik unammititsinernit, soorlu OL-imit ilaatitaannginnissaannik IOC-mut kaammattuereersoq, IOC taama aalajangiivoq.
McLarenip nalunaarusiaanik taaneqartartup saqqummiunneqarnerata kingorna tamanna pivoq.
Naalagaaffiup Ruslandip timersortartuni nukkassaatinik inerteqqutinik atuititsisarsimanera, nukkassaatinillu inerteqqutinik atuisuunersumut misiliinerit pillugit peqquserluttarnera, nalunaarusiami inerniliunneqarpoq.
/Ritzau.