Rusland meeqqanik 6000-inik mattussisimasutut pasineqartoq
Ukrainemiut meerartaat 6000-nit ikinnerunngitsut politikkikkut eqeersarniarlugit, Ruslandimi Krimilluunniit qeqertaasaani russinit parnaarussaaqqapput.
USA-mi ilisimatusarfiit nuimanerit ilaata Yale Universityp nalunaarusiaani nutaami tamanna oqaatigineqarpoq.
Parnaarussivittut taaneqarsinnaasut 43-t Krimimi Ruslandimilu nassaassaasut, immikkut ilisimasallit nalunaarusiortullu oqaatigaat.
Russit Ukrainemiut meerartaannut aaqqissuussamik iliuuseqarnerannut parnaarussivittut taaneqarsinnaasut russinit atorneqartut oqaatigineqarpoq:
- Parnaarussivittut taaneqarsinnaasuni meeqqat politikkikkut eqeersarniarneqarput, tamannalu pingaarnertut siunertaalluni, Nathaniel Raymond, immikkut ilisimasalik nalunaarusioqataasorlu, tusagassiortunut sassarnermi oqarpoq.
Meeqqat amerlasuut Ruslandimi ilaatigut ilaqutarsiartaartinneqarsimapput, russinilluunniit ilaqutariinnit meeravissiartaarineqarsimallutik.
Yale Universityp nalunaarusiaani tamanna atuarneqarsinnaavoq.
