Rubinisiorfik iluatsitsiffiulersinnaalersoq

Naalakkersuisut aatsitassanut iliuusissaanni 2014-imeersumi allassimavoq Kalaallit Nunaanni aatsitassarsiorfiit pingasuniit tallimalluunniit 2019-iutinnagu ammarneqarsimassasut.

Maannamulli taamaallaat rubinisiorfiup ammarneqarnissaa iluatsinneqarsimavoq, taannalu aatsitassarsiorusuttunik allanik ammaasseriaannaavoq.

- Maannakkut taasinnaasatsinni ukiut tallimat ingerlanerini aatsitassarsiorfiit pingasut tallimalluunniit ukiut tallimat iluanni ammarneqarsinnaapput, eqqoriarneqarporlu sinerissap avataani ataasiarluni marloriarluniluunniit qilleraluni uuliasiortoqarsinnaasoq, Naalakkersuisut aatsitassanut iliuusissaanni 2014-imeersumi taama allassimasoqarpoq.

Iliuusissalli piviusunngortinnissaa ajornakusoorsimavoq. Uuliasiorneq unittoorsimavoq, aatsitassarsiorfinnilu pisortatigoortumik taamaallaat rubinisiorfik Aappaluttoq ammarneqarsimalluni.

Graf fra Økonomisk Råds beretning 2016. Graf fra Økonomisk Råds beretning 2016 over selskabers udgifter til olie- og råstofefterforskning her i landet.

- Piffissartornarsimavoq. Aaqqissuussinerup iluaniit politikerinillu tikilluaqquneqaqaagut. Suliassaat suliarineqapallattarput, tamannalu nuannaarutigeqaarput, rubinisiorfimmi aningaasaliinerpaasimasuni LSN Groupimi pisortaaneq Frode Nielsen taama oqarpoq.

Xploration Services Greenlandimi siulersuisuni siulittaasoq aallartitsisuusorlu Martin Shalmi neriuppoq tamanna aatsitassarsioqatigiiffinnut allanut tuniluukkumaartoq.

Aappaluttoq iluatsilluassappat aningaasaliisimasullu aningaaserivimmiititaqalerluassappata Kalaallit Nunaanni aningaasaleerusuttunut allanut tamanna neqitaalluarsinnaalissasoq, Shalmi 2004-mili aatsitassarsiornermik sammisaqarsimasoq taama oqarpoq.

Shalmi naapertorlugu aatsitassarsiortut tamaani 2011-mi suliaqakuttooriarlutik maanna ingerlanerluttupilussuangorsimasut pissutigalugu uuliap aatsitassallu nalingi appariartupiloorsimammata.

Ovenstående er et udklip fra Politisk- Økonomisk Beretning 2017 fra departementet for finanser og skatter. Ovenstående er et udklip fra Politisk- Økonomisk Beretning 2017 fra departementet for finanser og skatter.

- Naqqinereeratta maanna qummut ingerlaqqilerpugut. Aningaasaleerusuttullu pitsaasunik atugassaqartikkutsigit ukiut arlaqanngittut qaangiuppata aningaasat takkussuutilissasut taanna oqarpoq.

Martin Shalmi isumaqarpoq Kalaallit Nunaat Aatsitassarsioqatigiiffinnut pilerinarsassagutsigu aatsitassarsiortunut royaltiinik taaneqartartut peerneqartariaqarput.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!