Royali naalakkeersuisullu

Inatsisartut ullumi ataatsimiinnerminni Royal Greenland oqaluuserissavaat, aalisarnermut piniarnermullu naalakkersuisoq Simon Olsen aalisarnerup qanoq aaqissuussaanissaanik naalakkersuisut isumaat saqqummiutissavaa.

Naalakkersuisut nassuiaataanni oqaatigineqarpoq Royal Greenland naalakkersuisunit kajumissaarneqarsimasoq namminersortunngorsarneqarnissaminut tamarmiluunniit namminersortunngornissaminut periarfissanik misissueqqullugu. Royal Greenlandillumi danskit aningaasaliisarfiat Alfred Berg tamatumani ikiortiserisimagaa tusareerparput.

Simon Olsenilli ullumi nassuiaatissamini oqaatiginiarpaa suliffissuup namminersortunngorsarnissaanik naalakkersuisut namminneq misissueqqissaartitsiniartut Royal Greenlandilu misissuisitsinissamut tunuarsimaarallartariaqartoq misissuisitsiniarunilu Naalakkersuisut suleqatigilluinnarlugit taamaaliortariaqartoq.

Naalakkersuisut siunniuppaat suliffissuup namminersortunngorsarnissaanik misissueqqissaarnertik 2005-p naanerani inereersimaniarlugu.